تکنیکی خرابی کے سبب سعودی ایئر لائنز کے 289 مسافر حیدرآباد میں پھنسے

حیدرآباد/15اکتوبر(ایجنسی) پرواز بھرتے وقت آئی تکنیکی خرابی کی وجہ سے سعودی ائیر لائنز کے 289 مسافر کل سے حیدرآباد میں پھنسے ہوئے ہیں. کل صبح قریب 9 بجے راجیو گاندھی بین الاقوامی ہوائی اڈے سے سعودی ایر لائنز کی پرواز SV 753 ریاض کے لئے روانہ ہونا تھا، ہوائی جہاز رن وے پر پہنچ چکا تھا لیکن ٹیک آف سے پہلے ہی رن وے سے پلین واپس آ



گیا.

مسافروں کو بتایا گیا کہ طیارے میں تکنیکی خرابی آ گئی ہے. مسافر کل شام تک ایئرپورٹ پر ہی انتظار کرتے رہے. رات میں ان کو ہوٹل بھیج دیا گیا. مسافروں کا کہنا ہے کہ ہوٹل میں ایر لائنز کی جانب سے ناشتہ یا کھانا تو دور بچوں کو دودھ بھی نہیں دیا جا رہا ہے. مسافر ہوٹل میں ہیں اور ریاض جانے کا انتظار کر رہے ہیں. ائیر لائنز کے اس رویہ سے لوگوں میں زبردست غصہ ہے.